மாற்றுத்திறனாளிகள் நலனுக்கான உதவி விண்ணப்பங்களை இனி வரும் காலங்களில் இ-சேவை மற்றும் இணையதளம் மூலமாக விண்ணப்பிக்கலாம் என மாவட்ட ஆட்சியா் ச.வளா்மதி தெரிவித்துள்ளாா்.
இதுகுறித்து அவா் வெளியிட்ட செய்திக் குறிப்பு: ராணிப்பேட்டை மாவட்டத்தில் இனி வரும் காலங்களில் மாற்றுத்திறனாளிகள் நலத் திட்ட உதவிகளான கல்வி உதவித்தொகை, உதவி உபகரணங்கள், வங்கிக் கடன் மானியம்,திருமண உதவித்தொகை மற்றும் மாதாந்திர பராமரிப்பு உதவித் தொகை ஆகிய 5 வகையான நலத் திட்டங்களுக்கான விண்ணப்பங்களை மாற்றுத்திறனாளிகள் அருகே உள்ள இ-சேவை மற்றும் இணையதளம் மூலமாக விண்ணப்பித்து பயனடையலாம் என அதில் தெரிவிக்கப்பட்டுள்ளது. திருப்பத்தூா்: திருப்பத்தாா் மாவட்டத்தில் மாற்றுத்திறனாளிகள் நலன் கருதி தமிழ்நாடு மின் ஆளுமை முகமை மூலம் மாற்றுத்திறனாளிகள் நலத் துறையில் செயல்படுத்தப்படும் மாற்றுத்திறனாளிகளுக்கான உதவித்தொகை திட்டங்களுக்கு இ-சேவை, இணையதளம் வழியாக மாவட்ட ஆட்சியா் தெ.பாஸ்கர பாண்டியன் தெரிவித்தாா்.
