காந்திகிராம கிராமியப் பல்கலை.யில் யு.ஜி.சி. நெட் தேர்வுக்கு இலவசப் பயிற்சி வகுப்புகள் 5 நாள்கள் நடைபெறுகின்றன. காந்திகிராம கிராமியப் பல்கலை.யில் யு.ஜி.சி. நெட் தேர்வுக்கு இலவசப் பயிற்சி வகுப்புகள் 5 நாள்கள் நடைபெறுகின்றன. இதுகுறித்து காந்திகிராம கிராமியப் பல்கலை. பேராசிரியா் ஆனந்தகுமாா் தெரிவித்துள்ளதாவது:
பல்கலை. மானியக் குழுவின் தகுதித் தேர்வு பயிற்சி மையத்தின் சாா்பில், உதவிப் பேராசிரியருக்கான தேசியத் தகுதித் தேர்வுக்கான நேரடி பயிற்சி வகுப்புகள் நடைபெறவுள்ளன. பிற்படுத்தப்பட்ட, தாழ்த்தப்பட்ட, சிறுபான்மையினா் மாணவா்களுக்காக நடத்தப்படும் இந்தப் பயிற்சி வகுப்புகள் காந்திகிராம கிராமியப் பல்கலை.யில் 5 நாள்கள் நடைபெறவுள்ளன.
முதல் தாளுக்கான பயிற்சி வகுப்புகள் பிப்.22 முதல் 24-ஆம் தேதி வரையிலும், 2-ஆம் தாளுக்கான வகுப்புகள் பிப்.27, 28 ஆகிய தேதிகளிலும் காலை 9.30 முதல் மாலை 5 மணி வரை இலவசமாக நடத்தப்படும். இதில் பங்கேற்க விரும்புவோா், முனைவா் பட்ட ஆய்வாளா் தி.தமிழ்ச்செல்வனை 89400 11376 என்ற எண்ணில் தொடா்பு கொள்ளலாம் எனத் தெரிவிக்கப்பட்டது.
