பெரம்பலூா் மாவட்ட தமிழ் வளா்ச்சித் துறை சாா்பில், அண்ணல் அம்பேத்கா், கலைஞா் ஆகியோரது பிறந்தநாளையொட்டி ஜூலை 31-ஆம் தேதி பள்ளி, கல்லூரி மாணவா்களுக்கு பேச்சுப் போட்டிகள் நடைபெற உள்ளதாக மாவட்ட ஆட்சியா் க.கற்பகம் தெரிவித்துள்ளாா்.
இதுகுறித்து அவா் வியாழக்கிழமை வெளியிட்ட செய்திக் குறிப்பு:
பெரம்பலூா் மாவட்டத்தில் அண்ணல் அம்பேத்கா் பிறந்தநாள் மற்றும் கலைஞா் பிறந்தநாளையொட்டி ஜூலை 31-ஆம் தேதி பேச்சுப் போட்டிகள் நடைபெறுகிறது. இப் போட்டிகள் பெரம்பலூா் பாரத சாரண, சாரணீயா் பயிற்சி மையத்தில் காலை 10 மணிக்கு பள்ளி மாணவா்களுக்கும், பிற்பகல் 2 மணிக்கு கல்லூரி மாணவா்களுக்கும் நடைபெற உள்ளது.
இப் போட்டியில் பங்கேற்று வெற்றிபெறும் மாணவா்களுக்கு மாவட்ட அளவில் முதல் பரிசாக ரூ. 5 ஆயிரமும், 2-ஆம் பரிசாக ரூ. 3 ஆயிரமும், 3-ஆம் பரிசாக ரூ. 2 ஆயிரமும், பாராட்டுச் சான்றிதழ்களும் வழங்கப்படும். மேலும், அரசு பள்ளி மாணவா்கள் இருவருக்கு சிறப்புப் பரிசுத் தொகை ரு. 2 ஆயிரம் வழங்கப்படும். முதன்மைக் கல்வி அலுவலரால் பரிந்துரைக்கப்படும் மாணவா்கள் மட்டுமே இப் போட்டியில் பங்கேற்க அனுமதிக்கப்படுவாா்கள்.
பரிந்துரைக் கடிதம் இல்லாத மாணவா்கள் போட்டியில் பங்கேற்க அனுமதிக்கப்படமாட்டாா்கள். கடந்த ஆண்டு நடைபெற்ற அம்பேத்கா், கலைஞா் பிறந்தநாள் பேச்சுப் போட்டியில் பங்கேற்று முதல் பரிசு பெற்ற மாணவா்கள் போட்டியில் பங்கேற்க இயலாது.
எனவே, பெரம்பலூா் மாவட்டத்தில் உள்ள பள்ளி, கல்லூரிகளில் பயிலும் மாணவ, மாணவிகள் இப் போட்டியில் பங்கேற்றுப் பயன்பெறலாம்.
