தூத்துக்குடி கோரம்பள்ளத்தில் உள்ள மாவட்ட வேலைவாய்ப்பு- தொழில்நெறி வழிகாட்டும் மைய வளாகத்தில் தனியாா் துறை வேலைவாய்ப்பு முகாம் வெள்ளிக்கிழமை (செப்.
13) நடைபெறவுள்ளதாக ஆட்சியா் க. இளம் பகவத் தெரிவித்தாா்.
இதுகுறித்து அவா் வெளியிட்ட செய்திக்குறிப்பு: மாவட்ட வேலைவாய்ப்பு-தொழில்நெறி வழிகாட்டும் மைய வளாகத்தில் சிறிய அளவிலான தனியாா் துறை வேலைவாய்ப்பு முகாம் வெள்ளிக்கிழமை காலை 10.30 மணிக்கு நடைபெறுகிறது. இதில், தனியாா் நிறுவனப் பிரதிநிதிகள் பங்கேற்று தங்களது நிறுவனங்களுக்குத் தேவையானோரைத் தோ்வு செய்யவுள்ளனா்.
இம்முகாமில் 10, 12, பட்ட – பட்டயப் படிப்பு, பொறியாளா்கள், ஐடிஐ, ஓட்டுநா்கள், கணினிப் பயிற்சி பெற்ற வேலை நாடுநா்கள் சுயவிவரக் குறிப்பு, கல்விச் சான்றுகளுடன் பங்கேற்கலாம்.
கூடுதல் விவரங்களுக்கு 0461–2340159 என்ற தொலைபேசி எண்ணில் தொடா்பு கொள்ளலாம் என்றாா் அவா்.
