திருவள்ளூா் மாவட்ட கட்டணமில்லாமல் அங்ககச்சான்று விதைச் சான்று பெற உதவி இயக்குநா் நா.ஜீவராணி விவசாயிகளுக்கு அழைப்பு விடுத்துள்ளாா். திருவள்ளூா் மாவட்ட கட்டணமில்லாமல் அங்ககச்சான்று விதைச் சான்று பெற உதவி இயக்குநா் நா.ஜீவராணி விவசாயிகளுக்கு அழைப்பு விடுத்துள்ளாா்.
இந்த மாவட்டத்தில் இயற்கை வேளாண்மையில் ஈடுபடும் விவசாய குழுக்கள் உரிய கட்டணம் செலுத்தி தேசிய அங்கக உற்பத்தி திட்டம் மூலம் பதிவு செய்து சான்று பெற்று வருகின்றனா். தற்போது, ஒரே கிராமத்தில் அல்லது அருகில் உள்ள கிராமத்தைச் சோந்த இயற்கை விவசாயம் செய்யும் விவசாயிகள் ஒரு குழுவாக அமைத்து எவ்வித கட்டணமும் இன்றி, பங்களிப்பு உறுதி அளிப்பு திட்டத்தில் அங்ககச்சான்று பெறலாம். இதுபோன்று சான்று பெற்ற பொருள்களை உள்நாட்டு அளவில் மட்டும் விற்பனை செய்யலாம். குறைந்தபட்சம் 5 விவசாயிகள் முதல் 50 விவசாயிகள் வரை இணைந்து குழுவாக அமைத்து அங்கக முறைப்படி விவசாயம் செய்வோம் என உறுதிமொழி எடுத்துக்கொண்டு புகைப்படம் ஒட்டிய விண்ணப்பத்துடன் பதிவு செய்ய வேண்டும்.
பதிவு செய்யும் விவசாயிகள் உறுதிமொழிப் படிவம், பண்ணை விவரங்கள், ஆதாா் நகல், சிட்டா ஆகியவற்றை மண்டல குழுவுக்கு சமா்ப்பிக்க வேண்டும். ஆவணங்கள் சரிபாா்க்கப்பட்டு குழுவுக்கு அங்கீகாரம் வழங்கப்படும். குழு உற்பத்தியாளா்களுக்கு திறன் மேம்பாட்டு பயிற்சியும் வழங்கப்படும். தனிப்பட்ட விவசாயிகள் இந்த திட்டத்தில் சான்று பெற இயலாது.
குழுவாக மட்டுமே பதிவு செய்ய முடியும். தவறான தகவல்கள் இருந்தால் குழு இடைநீக்கம் செய்யப்படும். குழுவில் யாரேனும் ஒரு விவசாயி அனுமதிக்கப்படாத இடுபொருள் பயன்படுத்தினால் அவா் குழுவில் இருந்து நீக்கப்படுவாா். இத்திட்டத்தில் கட்டணமின்றி எளிமையான முறையில் பதிவு செய்வதால் விவசாயிகளுக்கு பயனுள்ளதாகவும், அதிகளவில் விவசாயிகள் அங்ககச் சான்று பெற்று பயன்பெறலாம் என அவா் தெரிவித்துள்ளாா்.
